Item, il colegio habbi libertà di far quelle provision li parerà expediente. Et questa parte have tutto il consejo.
     
      Fu posto, per il serenissimo e tutto il colegio, una decima al monte vechio, con don di X per 100, a pagar fin a dì X di dezembrio proximo. Ave 26 di no. Et nota, fo, per il consejo di X con la zonta, tolto danari dil consejo di X, ubligandoli questa decima, e mandati il dì drio a Verona. E fo spazà per colegio alcuni contestabili, come dirò di soto.
     
      Et feno il scurtinio dil provedador zeneral; e rimase sier Zorzi Emo, cao dil consejo di X, quondam sier Zuan, el cavalier. El qual, chiamato a la Signoria, tolse rispeto fin la matina, et poi cussì acetò. Et pregadi vene zoso a horre 6 di note.
     
     
      Electo provedador zeneral in veronese.
     
      † Sier Zorzi Emo, el cao dil consejo di X, quondam sier Zuan, el cavalier.
      Sier Anzolo Trivixan, fo capitanio a Padoa, quondam sier Pollo,
      [197] Sier Zuan Paulo Gradenigo, è podestà a Brexa, quondam sier Zusto.
      Sier Alvixe Emo, è capitanio a Brexa, quondam sier Michiel.
      Sier Piero Marzello, fo capitanio a Bergamo, quondam sier Filippo.
      Sier Valerio Marzello, fo governador a Monopoli, quondam sier Jacomo Antonio, cavalier.
      Sier Vicenzo Valier, è capitanio a Vicenza, quondam sier Piero.
      Sier Zuam Diedo, fo provedador in campo, quondam sier Alvixe.
      Sier Zustignam Morexini, fo provedador in campo, quondam sier Marco.
      Non. Sier Andrea Gritti, fo podestà a Padoa, quondam sier Francesco.
      Sier Francesco Capello, el cavalier, fo podestà a Ravena, quondam sier Christofolo.