Ma l'altra raxom, quando la marchadantia č venuta in Alexandria, che hanno vendudo e comprado, e che i non mancha cossa alguna sono per partir, e non hanno pių da far per andar al suo viazo, dieno andar al signor armirajo di Alexandria a tuor licentia; e per tanto el signor armirajo manda al castelam de la marina, i lassano andar a suo viazo; e poi el castelan del Farion i dā licentia vada a suo viazo. Ma quelli patroni de le galie fezeno vella senza licentia de l'armirajo et ancor del castello del Farion; e fo de necessitā che el castello i trazesse bombarde, per non saver del suo partir, che venitiani dovesseno partir senza far saver el suo partir, per esser nostri abitatori in la nostra terra, per esser salvi e siguri soto la nostra Signoria con suo' fio e parenti; e, se non fosse per quello, non saria scapoladi da le bombarde, et averia roto le galie e mazado ogni homo. E diceva, i primi bombardieri in el [205] castello mai se trovava dormendo, et giera l'hora di suo scampo, pensando che venitiani mai non fesse tradimento, e simelmente i vardiani del castello. Ma quelli che trasseno fono i fanti de quelli bombardieri; e quelli che jera de la vardia si dormiva in quella, pensando che venitiani non faria mai tradimento; e, se non fosse alhora dormendo, abiando le galie uxado quello i hano fato, non saria scapolado niuno e roto e frachassado tutto. Ma per quanto aspetta al devedamento del biscoto, non prociede de la nostra Signoria, nč de nostro armirajo, nč anche nesuno dei governadori de Alexandria; ma in quel tempo giera tempo de morbo, e perhō nesuno de le galie non podeva venir in terra per paura de la giandusa; ma quando mor qualcheuno de le galie non se pol portar in terra; e questo si č stā volontā de Dio, non de la volontā nostra nč de nisuno; e tutte lamentazion che fo fatte davanti el doxe, dia esser inside de lā via e di tradimenti, et hanno ditto le buxie prosontiosamente.