Pagina (294/1294)

pagina

       

      E sono andadi in desconzamento de le bone uxanze: per antigamente de molti anni, passado la muda, li bazarioti zoè marchadanti, comprano per valuta de ducati 30 milia in 40 milia; ma i patroni hanno devedado non se venda nè compra. À fato la crida el capetanio, che, im pena de la forcha, non se venda nè compra; e tutte queste cosse hanno fatto el capitanio, e lui fo causa de questo vastamento e fatto questo schandolo. E non se trova mai che sia sequido per el tempo pasado anno nesuno in nesuna terra de mori simel caxo; e l'è zusto che cui à fato tal cosse, che el doxe debba chastigarlo et bandizarlo de la sua senoria, perché tutti questi schandoli prociede dal conzamento. E per tanto el ditto capitanio s'è venuto davanti el doxe, e à dito le boxie per paura de quello l'à fato. Ma de le cosse zà mentoade del piper, se hanno lamentado del grande priexio di piper. Questo non se à fatto scosamente; ma lui scrisse sopra: i marchadanti me n'è caxone. E cussì havemo scritto ancor nui del costume dignissimo; e come i marchadanti non possa tuor piper del dachieri dignissimo, se no a contadi, avanti che tojano piper de li marchadanti, segondo la uxanza in quello in el tempo di altri soldani pasadi, a hora si fano. I veniziani mentoadi vastano i marchadanti mori e tojano da lhoro el piper a contadi, e da nui i tojano el piper del dachieri nobelle a tempo et a barato di rame. I venitiani sono vollonteroxi de sbasar e danizar la nostra dachiera per suo mejoramento, e danizar la mia dachiera nobelle; e tutto quello proziede da la malizia de li venitiani marchadanti mentoadi maliziosi.