Quando havemo [206] inteso, lhoro danno de la charestia del piper è como el nostro, i marchadanti del dachieri à fato comandamento che i debano tuor el piper mentoado, havemo inteso como i se i tornano el piper del dachieri ne li magazeni nobelli, i non à volesto hobedir i nostri comandamenti de quello, à fato vella. E la nostra volontà jera de tornar el piper; e questo s'è stato causa del nostro mal voller. E questo se havesse fato altre generation di franchi, che non sia venitiani, i havessemo ruinadi del mondo, nè mai nesuno non saria insido de le nostre man salvi; ma, per la gratia de Dio, mi son soficiente haver quello. Ma quando havemo cognosudo la verità, mentoadi che non son come zusti, che ne à desmostrado el tradimento, alhora havemo fato comandamento che ne paga tutto quello debiamo haver. E si jerano i armirai desposti de non lassarli intrar in le nostre terre de' mori, e dimandar el danno de le cosse che à sbasade del beneficio de la dacheria nostra nobelle, segondo che lhoro merita. Ma molti armirai e ministratori et homeni da conto assai, li qualli sono venudi dimandando misericordia verso di lhoro, e compasion, e perdonarli; e cussì ho conzeduto la gratia, presente l'ambasador mentoado, et mai nesuno de lhoro habbi despiazer. Haveva de 'punion, in la presentia del doxe, che quando haverà sentudo de le cosse sequide de li marchadanti mentoadi, del lor partir senza licentia, che la sua signoria i havesse imponidi segondo i suo' meriti. Per la mutazion del parlamento l'à fato, e la presontiom usada de le cosse, merita de esser messo el ferro al collo e apichar il lhoro mazor sopra i albori de le galie; e quando haverò inteso tal justicia de i ditti malifattori, e cesserò de l'ira nostra nobilissima.