Da poi questo i se à butado a' pie' de i nostri fatori dignissimi, e sono romaxi d'acordo de tuor el piper, como romaxeno da prima, e contentono la poliza del pexador, segondo uxanza. Dubiti di lhoro, che non revocha quello che i hanno fato intra lhoro e marchadanti mori de la poliza dei pexadori, e de quello che à ditto e mentoado de lhoro danno, de quello porave intravegnir a lhoro, de le novità de le cosse nuove e renovar ... injuste; e perhò commandassemo, che se debia descriver comandamenti nobeli in lhoro man, segondo la consuetudine, e che i fazano segondo i comandamenti hanno in le mano. Di comandamenti nobeli di soldani pasadi, per Dio gratia, anderano a le uxanze passade ultima horra; e per chadauno che venerano da nui in la nostra Signoria ben vardada e terre moresche, e non sarà fato se non raxon e justitia, e chadauno che torà cossa alguna senza raxom, che la sia retornata, havemo termenado in i nostri comandamenti dignissimi. E in quello a ogni modo im presentia del doxe chastiga i suo' marchadanti per la dixubidientia che hanno scrito le buxie e chasone mentoadi, e che mantenano l'acordo e uno parlar. E si havemo mandado questo parlar, che debia darne resposta dignissima, sia prexentado e leto davanti el doxe piazando a Dio. Che Idio mantegna el doxe in suo dogado im piazente de Dio.
      Scrita a dì 4 mazo 911, anno di mori.
     
     
      Questo s'è el traslado
      de la resposta del signor soldama la illustrissima Signoria de Veniexia, primo.
     
      Da poi li titoli del signor soldam, a l'uxato, con li titoli de la illustrissima Signoria.