Et tuto quanto è stà dito, non è stà vero niente; perchè hanno abuto paura li vostri, che non habiano scrito li nostri a la illustrissima Signoria de le cosse che li vostri fanno fora de strada et de raxom, et de' lhor tradimenti et lhor boxie, che hanno abuto paura de non esser gastigati: perchè de quanto che l'è stato narato, niente non s'è stato vero. Et da quello ch'è stato ditto per lo pevre, dolendose che s'è stato charo, de che sa benissimo la illustrissima Signoria vostra de la pena ch'è stà scrita da parte de quella, et anche de la serenità nostra, che non debiano toir lo pevre de la dachiera nostra, si non a contanti, avanti che piglieno quello de li marchadanti, segondo l'uxanza nostra et de li nostri pasati; de che adesso li marchadanti veneciani s'acordano con li nostri marchadanti mori, et li dano li contadi per le spexe, da poi fanno merchado de le nostre specie de la nostra dachiera, a tempo et per rami; de che li diti vostri marchadanti zerchano de smachar la nostra dachiera, per far lhori lhor fati, et lasano lo dano sopra la serenità nostra et de la nostra dachiera, e tutto questo lhor mali portamenti et tradimenti lhor. De che, per quando la serenità nostra vete lhor mali portamenti, et à veduto le lhor lamentazion del ditto pevre et servaro (?), et che nostro merchadante de dachiera le aveva forzato, comandassemo che fosse tornato nostro pevre in la nostra dachiera in lhor magazeni, in quella fiata lhor fezerono vella et andorono via; et quello fo la caxone del lhor fogir.