Et si tal quosa averà fata altra nation che la veneciana, li haveria tutti davorati, che non averà nisuno lassato enssir, salvo perchè, per la gratia de nostro signor Dio, eramo potenti in tal cossa. De che, quando havimo veduto lo tradimento de lhoro, et che lhoro cor non era neto in verso noi altri, li metessemo in zime, et demandesemo li nostri danari de lhoro. De che nui avevamo deliberato de chastigarli como meritaveno, et non lasarli entrar in nisum de li porti de la serenità nostra, per gabare et concordarse con li merchadanti mori, de acordarse con lhori per desfar la nostra dachiera, et chastigarli como meritaveno. De che se sono zontadi tuti nostri principali, a pregar la serenità [210] nostra che li perdonase; de che le perdonai, de che inpregovele (sic) de lo magnifico imbasador, de che l'avimo ben veduto. Non de mancho ne pensavamo, che quando vostra Signoria havesse inteso l'inssir de le galie senza licentia, che l'averà chastigati de gran manchamento che hanno fato, de romper lo porto de la serenità nostra, che li havesse chastigati fina aver empichato lo primo d'essi in l'antena de la galia; de che, havendo inteso la serenità nostra tal chastigamento, che fora reposata la nostra colora. Et mandando imbasador, lamentandose de li nostri, che havevano strasinati li vostri merchadanti, como li merchadanti nostri et merchadanti de la dachiera; et non à dito quello che lhoro hanno fato, de li lhor tradimenti, et non mirar nel dever, et non voler mantenir le usanze antige; et demandar de la serenità nostra le usanze antige.