De che lhor vostri merchadanti, con quelori che hanno torto, et hano fato uxanze nove, et demandano che la serenitā nostra li femo uxanze, non serā ne ge trovarā mai, che la serenitā nostra voja manchar lo nostro honor nč del segno nostro. Del che dixe, che lo pevre fosse sopra de nui. Questo s'č spazato, perchč č complito con carte de chadė et scrivani, et scritura del gabani con tutti, stato scrito segondo l'usanza, con parola de li merchadanti venitiani, denanzi li nostri chadė de la neta et perfeta fede; et non s'č possibile, nissun desfar nč contradir per nisuna via del mondo. Et con tutto questo s'č stā ditto del magnifico vostro imbasador, inanzi la serenitā nostra, del dito pevre. Et comandasemo a li vostri merchadanti, che tornaseno lo pevre in li nostri magazeni, poi che se lamentaveno; de che non volseno, havendo paura de li merchadanti, et le scriture del gabani non se rompeseno; de che se sono lamentade de le uxanze nove et manzarie che le sono stā fate. De questo zā avimo comandato de scriverle comandamenti, che tutti serano a le uxanze, segondo li comandamenti, che s'č in lor man, de li antigi de la serenitā nostra; et avimo scrite per tutto nostro paexe, che li serano observati; et che si nisum averā tolto robe niente de lhor, contra raxon, che li sia restituito; et che posano venir salvi, seguri, lhor et lhoro persone, merchadantie, per tuto el nostro paexe. Anche la Signoria vostra debia chastigar quelli che meritano esser chastigati, che hanno roto l'uxanza de romper la nostra scritura et vostra, che non se debia comprar nč vender, per fina che non ā venduto lo pevre de la serenitā nostra, a contanti, segondo l'uxanza, perchč tutte le cosse vadano per so via con reposso de ogni homo.