† De parte. 106
      De non. 52
      Non sinceri. 2
      [214]Quelli savij, messeno la soprascripta parte,
      fonno questi qui soto scriti, videlicet:
     
      Savij dil consejo:
     
      Sier Marco Bolani,
      Sier Domenego Trivixan, cavalier, procurator,
      Sier Alvixe Venier,
      Sier Lunardo Mocenigo,
      Sier Alvixe da Molim,
      Sier Zorzi Corner, el cavalier.
     
     
      Savij a terra ferma:
     
      Sier Hironimo Capello,
      Sier Zorzi Emo,
      Sier Zorzi Pixani, dotor, cavalier,
      Sier Marco Dandolo, dotor, cavalier,
      Sier Antonio Zustignam, dotor.
     
     
      Savij ai ordeni:
     
      Sier Piero Antonio Morexini,
      Sier Andrea da Molin,
      Sier Jacomo Boldù,
      Sier Nicolò da Mosto,
      Sier Anzolo da cha' da Pexaro.
     
     
      Li auditori fonno:
     
      Sier Piero Balbi,
      Sier Alvixe da Molin,
      Sier Alvixe Arimondo.
     
     
     
      Sora il cotimo di Damasco:
     
      Sier Piero Zen,
      Sier Michiel di Prioli,
      Sier Nicolò Venier.
     
     
      Sora il cotimo di Alexandria:
     
      Sier Donà Marzello,
      Sier Beneto Cabriel.
     
     
      Et fo mandà el messo, che era uno caschì, con uno gripo a Corfù, et de lì li sia dato una galia sotil fino in Alexandria. Et portò la letera di la Signoria al soldan, bolla d'oro. E insieme con lui Francesco da Monte, de nation cerchasso, fo turziman a [215] Damasco. Et Tangrebardi restò qui, alozato a la Zuecha. Era con persone ..., et havia de cotimo, ogni mexe, ducati ...
     
     
     
      Copia de la letera dil signor soldama la Signoria nostra,
      portata per Francesco da Monte,
      andò con el chaschì a la sua presentia,
      et zonto a Venecia a dì ... mazo 1507.
     
      Titolo dil soldam.
      Al nome de Dio misericordioso sora i misericordiosi, del schiavo de Dio e servo el soldam, el magno re, el nobilissimo, el signor honorandissimo, el savio, el justo, el combatente, el viturioso, re di re, spada del mondo e de la fede, soldan de' mori e del moreximo, vivifichator de la justicia nel mondo, eriede del regno di arabi e di azimini e de' turchi, similitudine di Alexandro magno in questo tempo, exempio de la justicia e de la gratia, congregator de le parole de la fede, el mazor che senta sopra le sedie e che porta le corone, donador de terre, de castelli e de achlimi, devedador di rebelli e di sassini e di pagani, oservator de la justicia nel suo judichar, inimicho di chativi e tristi, servidor di do templi nobeli e santi, sacerdote de do altari, ombra de Dio in terra, observator de la leze del suo profeta, soldan de la terra, cauxa de la segurità, el piuj nobille re de quelli che se atrovano a questo tempo, semenador de la bontà e de la justicia e de la segurtà, patron de la sedia del palazo e de la corte, principio di boni signori, di re e di soldani, simille da emir elnomeni, zoè el signor di color che ben credeno, pare de la vitoria, Canson el Gaori.