Dio conserva la sua vita.
      Da anni 912 del suo propheta, a dì primo dil mexe di la luna di marzo.
     
     
      In Christi nomine
     
      1507, a dì ... mazo, in Venecia.
     
      Capitoli conclusi tra la illustrissima Signoria nostraet el magnifico orator dil serenissimo signor soldam.
     
      Primo. Che li rami faremo condur in Alexandria, per satisfazion et pagamento de quanto dia dar el cotimo nostro, siano fatti tuor, per el serenissimo signor soldan, a tutti quelli dieno haver, a piuj precio di quel valeno im bazaro, per rispeto de li gran danni hanno auto li nostri merchadanti; o ver quelli far dar im bazaro a diverse persone a piuj precio di quel choreno, come esso serenissimo signor soldan à promesso di suo bocha piuj fiate, al chaschì mandato et Francesco da Monte, farli tuor; et el trato de essi rami, o ver li debitori de quelli, siano consignati a cui doverà haver dal cotimo nostro, non corendoli piuj uxura di quello rimaseno d'acordo nel principio deteno i danari.
      2.° Che, de caetero, non se sia ubligati tuor salvo le sporte 210, zoè 210, piper, era consueto tuor la nation, al precio di ducati 80 la sporta; et, se el serenissimo signor soldan non el volesse darlo a tal precio, non se sia ubligati a tuorlo per piuj precio, ma, volendolo vender a piuj precio, lo vendi con cui potrà romagnir d'acordo, non siando mai astreto alcun nostro merchadante a comprarlo; et se una muda non lo havesse dato, l'altra muda non se sia ubligati tuorlo, salvo le sporte 210 solamente, al ditto precio di ducati 80, per quella muda el sarà dado, intendando de quella muda che se farà facende.