Pagina (317/1294)

pagina

       

      Li qual anche, come sa el magnifico ambasador, el serenissimo signor soldan ā ordenā sia restituidi, e messi a conto de la sansaria haverā a pagar nostri merchadanti, per la muda ā a venir.
      7.° Che del piper tolto per la ultima muda, che fo sporte 460, zoč 460, non se habbi a pagar pių di ducati uno per sporta, come č consueto; et se 'l se sarā stā astreto nostri a pagar pių di quello tal consuetudine, li siano restituidi et scontadi ne le sansarie ā a venir; et che niuna carta o ver promessa di questo, oltra el duchato per sporta, sia de nium valor.
      8.° Che la tarra de le schibe, come ā ordenā el serenissimo signor soldan, sia messa a rotoli 25 1/2 per schiba, secondo la usanza de le sporte 460 piper fo tolte la ultima muda; et quelle serano stā meze schibe, siano messe la tarra per mitā, come per el pexo di esse si potrā benissimo veder.
      9.° Che sia ritornā le spexe del trar de le [222] specie, secondo la uxanza nostra anticha, et maxime el cargar a marina, che non si habi a pagar de le specie, che se haverā a trazer a contadi, cossa alcuna, per comprarse quelle spazade im barcha senza alguna spexa, sė in tempo de invernada come in tempo de galie. Zercha a le specie da barato, che 'l ne sia observato le nostre uxanze antige, videlicet in tempo de invernada colli 8 al ducato, et in tempo de galie colli 4 al ducato, dechiarando che le canelle non se intenda un fardo, salvo che per un collo, nč possi esser messi dopij da persona alguna.
      X.° Che 'l nadrachas nč nader nč altri possi fra anno astrenzer li nostri merchadanti a farse imprestar danari a conto de sansarie, nč anche tuorli le sue robe, ma solamente nel tempo de le galie fazino li sui pagamenti, come č el dover et era consueto sempre.