XI.° Che continue sia tenuto in Alexandria uno nader del dachieri, a far raxon solamente; et che 'l non se possi impazar de merchadantia, nč che per lui altri la fazi; et che 'l sia in libertā de chadaum moro romper precio de specie et di chadauna altra cossa, et non possi esser impedito nč da coza nč da algun altro, ma sempre chadauna possi comprar et vender senza licentia di lhor choza; et che tutti marchadi farano nostri con mori, et notadi ne la doana del gaban, siano inviolabelmente observadi e non rotti per algun, essendo sempre li merchadanti nostri in libertā comprar e vender con cui li piace; et che el vender et comprar sia libero, sė al moro chome al francho.
      12. Che li panni d'oro et di seda e panni fini non possi esser astreto alcun nostro merchadante a vender con algum forzo, nč anche de quelli pagar algun dreto, se non li haverano venduti; et sia in libertā sua di ritornarli in drieto, nč li possi esser impedito per alguno.
      13. Che de le pelatarie de tutte sorte non possi esser retenuto da alguno, nč toltoli per forza, ma quelli possino vender a chadauno; et non li vendendo, sia in sua libertā ritornarlli a drieto.
      14. Che 'l sia fato pagar li vari fonno tolti per forza, come sa el serenissimo signor soldan, che ā promesso far satisfar, et come intende ancor lui, magnifico ambasador.
      15. Che le specie comprerā i merchadanti nostri siano con el dover ben garbelate, et anche pesate con stajere juste, essendo in libertā de' nostri merchadanti tuor che pexador moro li piaze; et che le stajere tien nostri merchadanti in fontego, per repexar merze et spezie, per veder non siano inganati [223] da' pexadori, nč tal repesar li possi esser devedato da algun.