Similiter, che merchadante mori non possino tenir li garbelli ne li sui fontegi, ma siano tenuti da li machademi deputadi, et visti et boladi per el consolo nostro; et che le specie se habino a garbelar ne li fontegi discoperti, e non in li magazeni coperti, a ziò tutti habino el suo dover; et che 'l forzo di garofoli, a ziò se habia a far justo, et che niuno sia inganato, che li machademi de li garbeladori abia a tuor el sazo, et quelli esser boladi et posti in uno schrigno, nel qual ne sia do chiave, una abia a tenir el consolo nostro, l'altra el nader dal dachieri, et poi sia fato el sazo justamente per li machademi, nè li marchadanti mori se possi impazar in cossa alguna.
16. Item, che le specie da' nostri marchadanti possino esser trate et chargate in ogni tempo su ogni navilio, secondo le uxanze nostre antige, et quelle non possi esser inpedite.
17. Che 'l non se debi pagar tome de frute de niuna sorte, nè de niuna altra cossa, per esser di gran danno a' marchadanti nostri, e di niun beneficio dil serenissimo signor soldan, come per molti comandamenti è stà conzesso.
18. Che li consoli et merchadanti nostri posino sempre meter ne la terra le sue robe per suo uso de caxa, come son vestimenti, letti et casse et altro per el suo bisogno, et similiter al partir suo trazer possi le sue casse, letti, vestimenti et presenti, senza pagar alcuna cossa, nè di quelle possi esser astreto; et tutte male uxanze contra tal ordine sia revochate, come etiam per nostri comandamenti apar.
19. Che li consoli nostri possino vender' ne la terra merze per ducati 1000 chadauno anno, et similiter chadaum marchadante per ducati 200 per uno a l'anno, per el suo viver, como apar per molti comandamenti.
| |
|
I Diarii
Tomo VII
di Marino Sanuto
Editore Visentini Venezia
1882
pagine 1294 |
|
|
|
