Item, dil zonzer lģ a la corte uno orator dil re, stato a presso il re di romani; non sa quello habbi reportado etc.
     
      Da Tunis, di sier Alvixe Pizamano, capitanio di le galie di Barbaria. Di successi dil viazo; et esser stą manzą da' mori do nostri merchadanti, videlicet sier ... Dolfim et ...
     
      Di sier Zacharia Loredam, capitanio di le galie grosse, date a presso Pisa. Come va in ponente. Si duol di la galia di sier Alvise Loredam, soracommito di galia grossa bastarda, el qual non lo siegue etc..; pur anderą, juxta li mandati.
     
      Di Damasco, di sier Thomą Contarini, consolo, di 18 octubrio. Come il soldan non vol specie vengi a Damasco, ma siano condute al Cayro. Item, fa preparation di armata contra portogalesi. Item, Sophģ č contra Aliduli etc.
     
      Di Franza, di sier Antonio Condolmer, orator nostro, date a Bles, a dģ 23. Come il cardinal legato va a Roan, e anderą con lui di hordine dil re, e cussģ va li altri oratori, Spagna, Hongaria etc., ch'č zornate 5 di Bles etc.
     
      Di Milam, dil secretario. Come il gran maistro mandava altri citadini in Franza per sospeto, e tra milanesi era gran murmuration, e li nomina li citadini. Item, che li fanti guasconi, et altri, alozavano in Milan e per li borgi. Et erano letere di monsignor di Rocha Bertim, orator dil roy a presso sguizari, come sguizari voleano far una dieta a Turich; et erano disposti de acompagnar il re a la incoronation a Roma, ma non invader guerra a niun etc., et maxime contra Franza.
     
      [227] Fu posto, per sier Lunardo Grimani, sier Lunardo Mozenigo, sier Alvixe da Molin, sier Pollo Pixani, el cavalier, savij dil consejo, et li savij di terra ferma, sier Tadio Contarini, sier Francesco Orio, sier Alvixe di Prioli, sier Marin Zorzi, dotor, sier Piero Vituri non era (et sier Antonio Trun, procurator, sier Piero Duodo, savij dil consejo, 0 messeno), come, per la importantia di le materie si tratano al presente et ocore, che de praesenti siano electi 3 savij dil consejo et do di terra ferma, qualli si doveano far a la fin dil mexe presente, entrino subito, et possino esser electi quelli poriano etc.