Fu presa. Et cusś fono electi sier Domenego Trivixan, cavalier, procurator, sier Alvise Venier et sier Pollo Barbo, procurator; soto questi, con titolo, sier Marco Bolani, sier Nicoḷ Michiel, procurator, sier Antonio Loredan, el cavalier, sier Thomà Mozenigo, procurator, sier Francesco Trun etc. Item, do savij di terra ferma: sier Zacaria Contarini, el cavalier, et sier Piero Lando, stati altre fiate; con titolo cazete sier Hironimo Querini et sier Francesco Foscari. Il Contarini refudoe, e il resto la matina sequente introe. Etiam sier Piero Vituri ussite di caxa, stato amalato etc.
     
      Fu posto per li savij, atento li merchadanti todeschi erano venuti a la Signoria a dimandar salvo conduto, che li sia fatto in haver et im persona. Ave tutto il consejo.
     
      Et nota, vene zoso pregadi a horre 5 di note.
     
      [1507 12 05]A d́ 5. Fo gran consejo.
     
      [1507 12 06]A d́ 6, fo San Nicoḷ. Il doxe a messa in capella, de more. Da poi disnar, fo colegio di la Signoria e savij ad consulendum, per esser intradi li savij di zonta; ś che sono 9 dil consejo et 6 di terra ferma. Vene letere di Verona, dil zonzer a d́ 4 ĺ sier Zorzi Emo, provedador zeneral; et che haveano preparato per la venuta dil capitanio zeneral. Item, li fanti è pur a Bozolo. Et altre particularità, ut in litteris.
     
      Da Cividal di Belun, di sier Alvixe Dolfim, podestà et capitanio; et di Cadore, di, sier Piero Gixi, capitanio. Esser zonti a Brunich cavali 200 et a Bolzan fanti ... Etiam fo letere di Udene etc.
     
     
      [1507 12 07]A d́ 7. La matina, l'orator di Franza fo a la Signoria, justa il solito, che ogni matina vi va.