Item, che a Corphų era nove, Sophė prosperava contra Alidulli.
     
      [1507 12 31]A dė 31. Da poi disnar non fo 0.
     
      [240]Proclama fata far per le chiesie per li proveditori sopra le pompe.
     
      I magnifici signori sopra le pompe fano asaper la parte a cadauna persona, che se de caetero sarā trovado, sė maschio come femina, de che conditione esser se voja, che ardisca portar manege postize cavade fuora, nč con lavorieri, nč manege de vesta, nč manege de investidura, large con pių de braza do el paro, non tajade nč lazade, nč investidura con coda, nč vesta con coda longa pių de quarta una, nč pių de una cadenella schieta che non sia falssa, nč perle, salvo che un fil al peto davanti, che non passi la parte de alcuna altra cosa de veduta de lavorieri suso i casi, o ver manege, cosė d'oro come de seda o ver altro, sarano condanadi inremissibelmente, segondo la forma de la leze; et oltra di questo sarano spojadi li vestimenti e zoje che lhor averano a dosso, e sarano persi. Et se 'l sarā schiavo o schiava, che acusarā, sarano franchi et liberi; et se 'l sarā famejo o ver fantescha, scrita o ver a salario, se intenda aver compido el suo tempo, et habia tuto el suo salario, et oltra di questo la parte de la condanasom.
     
      Questo mandato fo publicā per tre feste a la messa granda, dil mexe di dezembrio 1507.
      Dil mexe di zener 1507.
     
      [1508 01 01]A dė primo, fo il zorno di anno nuovo. El doxe fo, con li oratori, a messa in chiesia di San Marcho, de more. Post 0 fu.
     
      [1508 01 02]A dė 2. Fo gran consejo. Et fu posto per li consieri, che sia dato licentia a sier Hironimo Contarini, č capitanio a Ravena, qual č electo provedador di l'armada, che 'l possi vegnir in questa terra, licet il suo successor non sij andato, a ziō possi armar.