Et altri successi; et di Sofì pocho.
     
      Fu posto, per li consieri, certa taja a quelli hanno robà il monte di la pietà di Piove di Sacho, di li danari di quelli di Piove. Presa, zoè chi acuserano quelli l'hano robato.
     
      Fu posto per li savij et quelli sora i cotimi di Damasco, che, de caetero, de li contrabandi si parta in 5 parte, ut in parte; non se li possi far gratia, sub poena. Et fu presa.
     
      Fu posto, per sier Hironimo Valier et sier Hironimo Venier, savij sora le pompe di le done, certa limitation a le manege di le veste e visture etc., ut in parte. A l'incontro sier Hironimo Pizamano, suo collega, messe star sul preso; e non si possi far gratia a quelli contrafarà sotto gran pena; et se mandi li debitori di dito oficio ogni XV zorni a palazo, e non si possi mudar sisa etc., ut in parte, si non per li 4 quinti dil consejo di pregadi, con molte clausule e gran naration. Et senza altra disputation andò le do parte: 54 de li do, 120 dil Pizamano. Et questa fu presa.
     
      Fo fato scurtinio di uno savio dil consejo, in luogo di sier Pollo Barbo, procurator, da poi intrado havia refudà, sier Marco Bolani, fo savio dil consejo; sotto, sier Zorzi Emo, è provedador zeneral, 19 balote; meglio fo di altri do era con titolo; savio di terra ferma, in luogo di sier Zacaria Contarini, cavalier, non intrò, sier Marco Dandolo, dotor et cavalier, fo savio a terra ferma; e tutti do introno.
     
      [242][1508 01 05]
      A dì 5. Fo consejo di X. Cao di X, loco sier Nicolò di Prioli, amalato, sier Baptista Morexini.
     
      [1508 01 06]