Item, nove di Sophì, è ritrato alquanto.
     
      Fu posto per li savij, d'acordo, armar per l'anno futuro in questa terra 12 galie, videlicet 6 per mexi 6, 2 con refusura, et 4 bastarde; et sia electo per scurtinio im pregadi el capitanio di ditte galie bastarde, con li modi è il capitanio fuora di ditte galie; e il provedador di l'arma' electo meti bancho a dì 2 fevrer, e si vadi armando. Etiam si armi 4 galie in Candia. Fu presa.
     
      Fu leto una parte, per li savij ai ordeni, voleano meter di far X sopracomiti, a do per volta, per gran consejo. Non fo balotà.
     
      Fu posto, per li savij, elezer quelli tre savij sopra le stime di le chaxe, qualli, non venendo im pregadi possino venir fin San Michiel etc. A l'incontro [243] el serenissimo et consieri e cai di 40 messe, che i siano electi dil corpo di pregadi. Parlò sier Lunardo Grimani, savio dil consejo, per la soa parte; il serenissimo li rispose, dicendo doveria esser li primi di la terra. Poi parlò sier Tadio Contarini, e aricordò fusse commessa a quelli sora le pompe, come alias, hessendo lui sora le pompe, li fo commessa, e si sparagnerà la spexa. Andò le parte: 44 di savij, 124 dil doxe; e questa fo presa. Et fo licentiato el pregadi a bon'ora.
     
      [1508 01 09]A dì 9. Fo gran consejo. Fato 3 consieri a Brexa e Ravena. E da poi consejo se reduse consejo di X, per dar licentia al vardian di la scuola de ..., potesse acetar in la scuola el reverendo domino Marco Malipiero, frate di l'hordine di Rhodi, e comandator di Cypri, qual steva in extremis; et li fo dato licentia.