Ave 33 di no.
     
      [1508 01 12]A dì 12. Fo consejo di X. Et la matina li consieri fono a Rialto, a incantar le galie di Barbaria; e non trovono patron.
     
      [1508 01 13]A dì 13. Fo etiam consejo di X. Dicitur, è stà spazà sier Piero Trivixan, da la dreza, absente; se intenderà il successo poi.
     
      In questo zorno fo sepulto a San Lorenzo, honorifice, il reverendo domino Marco Malipiero, comandador di Cypri. Fo levato il corpo di Santa † di la Zuecha, et com piate passono. Fo le 9 congregation, et li do capitoli di San Marco et Castello, et la scuola di San Zuane. A li batudi vi fu, lassò soldi 10 per uno.
     
      L'è stà conduto alcuni di Cremona in questa terra, per cosse di stado; quello seguirà se intenderà. Il colegio in camera fo.
     
      Etiam è stà conduto sier Alvise Salamon, di sier Vido, era castelan in Riva, in la rocha, per il qual fo mandato a tuor per il consejo di X; non se intende la causa, et fo messo in camera. Et a dì 14 la matina fo colegiado. Tochò il colegio sier Piero Capello, consier, sier Alvise da Mulla, cao di X, sier Andrea Trivixan, el cavalier, avogador, et sier ..., inquisitor.
     
      Item, per il consejo di X è stà mandato in la rocha di Butistagno, provedador, sier Francesco Zane, quondam sier Francesco, fo castelan lì, et alcuni fanti. Eravi castelam sier Zuan Michiel, quondam sier Christofolo, el vechio.
     
      [1508 01 14]A dì 14. La matina, in Rialto, fo publicà zerti ordeni, per li provedadori sora le pompe, zercha i vestir di zoveni, videlicet non portaseno più camise increspade; et altri ordeni etc.