Item, sguizari si arà, volendo il roy o la Signoria, a' nostri stipendij.
     
      Di Udene, dil luogotenente. Alcuni avisi et sumarij di quelle parte; et provisiom fate.
     
      Di Hongaria, dil secretario, date a Buda. Come, per le discordie dil conte palatin con Bot Andreas, bam di la ... par ditto Bot Andreas habbi ditto dar li lochi a la Signoria; et quella non li volendo, darà al re di romani; et non li volendo, li darà a' turchi più presto ch'al conte palatino. E altre occorentie, ut in litteris. Item, dil zonzer lì uno orator dil turco con 60 cavali; è stà honorato, vien per avisar di Sofì. Item, il re à gote a' piedi e man. item, el fiol, che si dia incoronar a 25 april, sta mal, si tien morirà, e cussì la fiola. Item, il re à mandà uno orator al re di romani, a persuader a resister e atender contra turchi. Item, manda uno orator a Roma, domino Piero Perislo, qual passerà di qua.
     
      [1508 01 26]A dì 26. Da poi disnar fo colegio di savij. Et accidit, che una compagnia di zoveni, chiamati Eterni, ave uno disnar a chaxa di sier Lunardo Grimani, per il maridar di soa fia in sier Alvise Morexini, quondam sier Michiel, uno di compagni; el qual li stentò a darli il disnar di la compagnia, e lo sententiò a li consoli: or, ozi lo ave. Et, dicitur, fo mal tractadi; adeo tutti li compagni, a hore 23, veneno in veste da contor in Rialto, et tolseno, da poi fato gran mal in caxa dil Grimani e danni, do bazili d'arzento, i qualli pre' Stefano et Domenego Taiacalza li portò avanti; et il signor era uno fiol di sier Alvise Dandolo, ch'è gobo.