Non. Sier Zuam Foscarini, quondam sier Nicolò, fo ai 3 savij.
      Sier Marco Gradenigo, fo sopracomito, quondam sier Justo.
      Sier Francesco da Mosto, fo capitanio al trafego, quondam sier Piero.
      Sier Andrea da Mosto, fo capitanio im Po, quondam sier Piero.
      Sier Zorzi Trivixan, fo sopracomito, quondam sier Andrea.
      Non. Jacomo Michiel, fo auditor nuovo, quondam sier Biaxio.
      Non. Sier Andrea Bondimier, fo sopracomito, di sier Zanoto.
      [263] Sier Zuan Moro, fo sopracomito, quondam sier Damian.
      Sier Jacomo Marzelo, fo sopracomito, quondam sier Zuane.
      Sier Pexaro da cha' da Pexaro, fo sopracomito, quondam sier Francesco.
      Sier Agustin da Mula, quondam sier Polo, fo provedador di comun.
      Sier Christofal da Canal, fo capitanio di la citadella di Verona, quondam sier Lucha.
      Sier Zorzi Simitecolo, fo sopracomito, quondam sier Zuane.
     
     
      Copia di nove, scrite per el consolo de Syo.
     
      Laus Deo.
     
      1507, a dì 27 setembrio in Syo.
     
      Da nuovo, per uno merchadante armeno nostro cognoscente, partito di Angori a dì primo di l'instante, et da uno merchadante zenovese, partito da la Porta dil Zelabi, fio dil signor, sta in Magnasia, a dì 22 ditto, se à 'budo, come el signor Sophì, con lo suo exercito, era intrato nel paese de questo signor turcho do zornate, et acampatose a presso una terra grossa de ditto signor turcho, chiamata Chaisagna, con homeni 80 milia e più, in fra i qualli sono cavali 15 milia, tutti armati in arme bianche, contra ... di questi turchi, lontan di Angori zornate 5. El sanzacho di la qual terra è andato a l'incontro de ditto signor Sophì con presenti, et honoratolo.