Di che, havendo mandato al presente el Sophì zente per rehaverla, et 3000 de zente fiorita; et andò suo fiol, el mazor, con uno suo fio, et uno altro fiol de Alidulli, con molti soi parenti et signori ben in hordine. Sentido quelli de Suphì la venuta, mostrono haver paura et schampar, et messeno molti arguaiti; se divulga erano da cavalli 2000. Zonti quelli de Alidulli, se messeno a la roba et a robar, credendo che lhoro fosseno scampati. I qualli fonno a dosso talmente, che li rupeno et tajono a pezi, et morti li fioli de Alidulli, rota grandissima, sì che vostra magnificentia intende. Io tegno certo, perchè so che, per bona via, subito el signor de Aleppo spazò messi al Cayro. Et la terra de Aleppo è molto sospesa de tal cossa; tegno ad ogni modo, a tempo novo sarà qualche novità, che Idio non lo voglij per ben nostro. Quanto per zornata achaderà, non mancherò d'aviso a la magnificentia vostra.
     
      [269]Capitolo di una letera.
     
      Perchè so vostra magnificentia esser desiderosa de intender nove, maxime dil signor Sophis, li dico, come ozi, per letere de merchadanti de Aleppo, come el capitanio del dicto signor Sophì, con persone 2000 in circha, rompete un campo de persone 4000 del signor Aliduli, e tutti tajadi a pezi, insieme con suo fiolo et duo suoi fioli, tal che non era scapolà altro cha 3 persone. E come Alidulli havea mandà ambasadori al signor de Aleppo; non se intende la rechiesta soa, perchè al partir de la caravana de Aleppo l'era intrà; e questo si à da novo. Occorendo altro, vostra magnificentia per mie serà avisato del tutto.