Item, el ducha de Alva à fato parenta' di una neza in uno fiol dil marchexe de Vagina; et à 'uto certi castelli per caution di la dota, adeo quelle cosse è cesade. Item. il re à expedì li soi oratori per Roma; et à scrito al re di romani, che voria la quiete de Italia, e volendo andar a Roma a incoronarse, andasse pacifice etc.
     
      Di Verona, più letere. Di occorentie et provision fate. Et relatione di exploratori. Il re era a Bolzam, azonzeva zente, si feva gran preparation; et dicitur veria omnino etc.
     
      Di sier Zorzi Emo, provedador zeneral, date a Verona. Consultation con il capitanio zeneral [272] e altri condutieri, zercha l'opinion lhoro, quello habino a far, et dove stariano lo exercito. Et concluso star al monte di Bertonega, e lì obviarli il passo. Et alia.
     
      Di sier Vicenzo Valier, capitanio di Vicenza, et provedador, date ... Come con 300 guastatori à cavato uno fosso, 100 passa longo et 4 largo, dove è uno passo, per il qual todeschi pol venir. Et è stato lì etiam con lui sier Hironimo Nanni, podestà et capitanio di Bassan.
     
      Di Riva, di sier Marco di Renier, provedador. Come quelli di la terra sono disposti a patir ogni cossa, si offerise etc. Avisi di le cosse di sopra etc., ut in litteris.
     
      Fu posto per li consieri, che si potesse proveder a slargar la parte di le donne; et che la diliberation presa ultimate fusse suspesa. Ave 80 di no, 95 di sì. Et fu presa.
     
      Fu posto, per sier Hironimo Valier et sier Hironimo Venier, provedadori sora le pompe, certa parte, ut in ea, a la qual mi referisco; videlicet che non si aceti done in vesta, nè si balli con veste, excepto quelle di anni 40 in suso.