Fu posto, per il serenissimo e tutto il colegio, meter una tansa al monte nuovo, a pagar fino 20 di questo; et quelli pagerano in tempo, sarano fatti creditori et arano il pro', et habino credito ducato per duchato. Item, fo etiam posto una decima al monte vechio, a pagarla quando parerà al consejo. Et fo presa; ave ...
     
      Fu posto, per li savij, elezer de praesenti, per scurtinio, con pena, do provedadori zenerali in campo, da esser mandati dove parerà il bisogno; et siano electi di ogni locho et oficio, et respondino [281] immediate, et partino doman sub poena etc.; et siano electi con li modi et condition fo electo sier Zorzi Emo. Et fato il scurtinio, qual sarà notado qui di soto, rimaseno sier Zorzi Corner, el cavalier, et sier Andrea Gritti, erano consieri a la bancha; e tutti do acceptono libentissime, et partirano diman.
     
     
      Electi do provedadori zenerali, juxta la parte.
     
      Sier Alvixe Venier, fo savio dil consejo, quondam sier Francesco, quondam sier Alvise, procurator.
      Sier Piero Marcello, fo capitanio a Bergamo, quondam sier Filippo.
      Sier Andrea Corner, fo capitanio a Verona, quondam sier Marco.
      Sier Anzolo Trivixan, fo capitanio a Padoa, quondam sier Pollo.
      Sier Piero Duodo, savio dil consejo, quondam sier Lucha.
      Sier Lunardo Mocenigo, fo podestà a Padoa, quondam serenissimo.
      † Sier Zorzi Corner, el cavalier, fo podestà a Padoa, quondam sier Marco, el cavalier.
      Sier Zuan Diedo, fo provedador in la Patria di Friul, quondam sier Alvixe.
      Sier Zustignan Morexini, fo provedador in campo, quondam sier Marco.