Hor, di panni di seda et altro, dicitur doveva dar più de ducati 1000, sì che tolse suso; et fo so danno di chi li à creto. Havea gran credito, a trovar danari per elemosina.
     
      In questa sera partì Francesco Lombardo, capitanio dil devedo di Verona, insieme con l'araldo dil re di romani, con la letera di salvo conduto et una letera di passo; qual va dal re a Bolzan, e fa la volta di Feltre.
     
      [1508 02 15]A dì 15. La matina fo in colegio uno orator dil ducha di Ferara, novo, venuto in questa terra, domino Manfre' di Manfrei, cavalier nominato. Et expose, poi presentato le letere credentiale, come il suo signor ducha era bon fiol di la Signoria nostra, et advisava, . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
      Eri matina fo in colegio sier Hironimo Contarini, venuto capitanio di Ravena, et electo provedador di l'armada; qual, justa la parte, avanti sia andato il suo successor, vene in questa terra per meter banco. Et referì in colegio quanto li achadeva per le cosse di Ravena.
     
      Item, introe sier Zacaria Loredam, capitanio di le galie bastarde, et sier Alvise Loredan, suo soracomito di l'altra galia, venuti a disarmar, et stato fuori mexi ...