[1508 02 22]A dì 22. Fo consejo di X, per expedir li presonieri; et non poteno compir di expedir. Vene letere di veronese, come a dì 21 erano partiti missier Zuan Jacomo Triulzi, il conte di Pitiano et il Gritti, provedador, e andati a veder li passi da Gussolengo, zoè di Brentonega et Roverè etc., per poter poi consultar quid fiendum, e Seravalle. Item, per exploratori si ha, il re esser andato a Yspurch, [303] a far noze di certa sua neza; et le zente si dice tien la volta di Brunich et versso Friul, come si ave avisi da Udene.
     
      [1508 02 23]A dì 23. Fo pregadi. Et leto le infrascripte letere:
     
      Di Franza, di l'orator nostro, date a Ligurgò, di 14 et 15. Avisa il zonzer dil re lì; et vien con assa' gran maestri e zente e il cardinal Roan. Et vien versso Lion, fa molte provision, non lassa trato a far, vol esser sempre a una fortuna con la Signoria nostra, et verà a Milan e dove bisogna. Scrive continue a Roma e altri re, fazi restar Maximiano di venir con le arme. Et altri coloquij fati col re, ut in litteris.
     
      Di Milam. Di provision fa il gran maistro; coloquij insieme. Et li capi di sguizari è li, et arano le compagnie etc. Nota: per la Signoria fo dà, a l'orator dil re di Franza è qui, ducati 4000 per mandarli a Milan, a far sguizari 2000, juxta la parte presa. Et questo fo secretissimo, acciò che i se habino.
     
      Di sier Zorzi Emo, provedador zeneral, da Gusolengo, 3 letere, di 21. Come a dì 20 si partino missier Zuan Jacomo, il capitanio nostro zeneral et il provedador Griti, et andono a veder li passi fin a Roverè. Item, lui è restà al governo di le zente; à fato reiterar le proclame: niun fazi danno sub poena etc.