À mandato a far certo muro a la Chiusa, sì che sarà fortissimo etc.
     
      Di Verona, di rectori. Zercha provision, strami e altre occorentie. Et dil Griti, provedador, era lì a Verona, scrive etc.
     
      Dil Griti, provedador zeneral, date Alla, a presso Seravalle, versso Roverè. Di aver visto, insieme con missier Zuan Jacomo e il capitanio, li passi. Dice soa excelentia è fortissimi, et non è da dubitar etc. À visto Brentonega, la Chiusa et Seravalle etc.; anderano a Roverè etc. Item, per avisi, hanno il re di romani esser partito di Maran, e andato a Yspurch a far noze di una soa neza, fia dil ducha Alberto di Baviera in el ... dil ducha di Vertimberg, et dia ritornar a Trento; altri tien verà versso Friul. Et altri avisi di questa substantia.
     
      Dil Corner, cavalier, provedador zeneral, date a la Scala. Come va provedendo, e anderà a Bassam, et vederà quello bisogna, insieme con il capitanio Valier. Et di le cosse di sopra 0 se intende, solum li avisi ut supra, et che 'l vien in Friul. Item, dil vescovo di Trento et pre' Lucha, doveano venir oratori di qui, 0 se intende. Item, altre occorentie. ut in litteris.
     
      Di Cadore, di sier Piero Gixi. capitanio.
     
      [304] Come alemani sono venuti sul nostro; et a una villa, nominata Lampezo, fato danni, tolto vituarie etc.; sì che è assa' zente a quelli confini di todeschi.
     
      Di Butistagno, di sier Francesco Zane, provedador, qual fo mandato per il conseio di X. Avisi di preparation di sopra et adunation di zente; e verà per la via di Friul, et etiam farà danno di lì via in sul nostro.