† Sier Zustignan Morexini, fo provedador in campo, quondam sier Marco.
      Sier Nicolò Balbi, fo provedador a Brisigele, quondam sier Marco.
      Sier Alexandro Pixani, fo provedador a Brisigele, quondam sier Marin.
      Sier Pollo Contarini, fo provedador di stratioti, quondam sier Francesco.
      Sier Andrea Dandolo, fu zudexe di petiziom, quondam sier Antonio, dotor.
      Sier Hironimo Querini, fo di la zonta, quondam sier Andrea.
      Sier Lorenzo Sagredo, fo castelam a Otranto, quondam sier Alban.
      Sier Zuam Francesco Venier, fo sopracomito, quondam sier Moisè.
      Sier Alvise da Canal, fo provedador dil castel di Corfù, quondam sier Luca.
      Sier Francesco Pasqualigo, fo sopracomito, quondam sier Vetor.
      Sier Valerio Marcello, fo di la zonta, quondam sier Jacomo Antonio, el cavalier.
      Sier Marco Gradenigo, fo soracomito, quondam sier Zusto.
     
      [1508 02 26]A dì 26. La matina si ave certo, Cadore esser perso, et sier Piero Gixi, capitanio, aversi reso a' todeschi.
     
      Da poi disnar fo pregadi. Et leto le infrascripte letere:
     
      Di Franza, da Burges, di 16. Dil zonzer lì il re, et starà lì alcuni zorni; vol aver scudi 500 milia per l'impresa, fa gran provision, verà in Italia, zoè a Milan, poi etc., ut in litteris.
     
      Di Milam. 0 da conto; coloquij e provisiom.
     
      Di Cividal, più letere, dil Dolfim, podestà et capitanio, di 24. Et avisa dil perder di Cadore, [309] e scrive il modo fo in quel zorno; et che todeschi erano 4000, venuti per li monti con le grapie ai piedi, et ebeno la Piove, e il capitanio dil castello poi si rese. Et questa nova à per una letera di Andrea Constantini, scrive di Cadore a uno suo fradello è in Cividal, et lui la mostrò et dete al podestà. Li scrive il successo; e come todeschi fenno alcuni danni a le caxe, butò zoso le porte, messeno a sacho, tamen la sua caxa non era stà tochada.