Di Gusolengo, di li provedadori Emo et Griti, di 25. Di la conclusion fata de difender Roverè e li passi gajardamente. Noto: intisi nostri lì haveano retenuto il passo a tre oratori senesi, andavano al re di romani. Item, haveano intercepto letere di Roma et altri etc.
     
      Fu posto, per li savij, elezer de praesenti uno provedador a Cividal di Friul, con ducati 80 al mexe con pena, cavali 5, et si parti il dì sequente. Rimase sier Donado da Leze, fo provedador al sal, quondam [310] sier Priamo, per aversi ben portato provedador al Zante; el qual acetò. Item, fo fato 3 sora le stime di le caxe, in locho di sier Tadio Contarini, sier Hironimo Capello, sono intrati savij di terra ferma, et sier Hironimo Querini, à refudà per esser sora le aque; et rimase sier Alvise Trivixam, fo podestà a Brexa, quondam sier Silvestro, sier Marco Zorzi, fo cao dil consejo di X, quondam sier Bertuzi, sier Piero Querini, fo a Treviso, quondam sier Antonio.
     
      Fo posto, per li savij, scriver al provedador Corner, dagi dentro e ricuperi Cadore, zoè la Piove. E fo presa di tuto il consejo.
     
      Di sier Vicenzo Valier. Voria uno contestabile da meter a la Scala; et fo expedito di qui Antonio da Viterbo, era in Roigo.
     
      Di pre' Lucha si ha, che 'l vien via, et a Treviso lo aspectavano; et si ave dil suo zonzer a Cividal etc.
     
     
      Scurtinio dil provedador a Cividal de Friul.
     
      Sier Polo Morexini, quondam sier Marco, da Santa Maria Formosa.
      Sier Filippo Badoer, fo soracomito, quondam sier Zuan Cabriel.
      Sier Zuam Moro, fo soracomito, quondam sier Damian.