Di Udene, di sier Andrea Loredam, lochotenente, più letere di eri. Come erano stà condute artilarie a Goricia e Trieste. Et parevano zente bon numero in Lubiana Vechia, la Chiusa e la Trevisa; et perhò si provedi di zente presto presto, per mar e per terra, per viscera misericordiae Dei etc. Item, dil zonzer in quel zorno, a dì 2, sier Zustignan Morexini, va provedador in Gradischa; e si provedi a quella Patria.
     
      Da Roma, di l'orator, di 28. 0 da conto; zanze.
     
      Fu posto, per li savij, scriver in Franza et Spagna in materia secreta: nescio quid. Unum est, senti' sier Antonio Condolmer in Franza si porta ben.
     
      Fu posto, per li savij, la decima ultima posta, numero ..., sia astreta a pagar per fin 1/2 marzo con don X per 100. Presa.
     
      Fo fato eletiom di pagadori do in campo. Et passò solum uno, el qual la matina refudoe. Rimase [332] sier Francesco Cabriel, el 40 criminal, quondam sier Bertuzi, el cavalier.
     
      Item, in questa sera partì sier Marco Loredan, capitanio di le galie grosse; et diman partirà la conserva, va a Pyran a spetar mandato.
     
      Fo mandato li danari in campo: ducati 9000.
     
     
      Scurtinio di do pagadori in campo;
      passò uno sollo.
     
      Sier Pollo Bragadim, quondam sier Zuan Alvise, triplo.
      Sier Luca Miani, fo 40, quondam sier Anzolo.
      Rimasto † Sier Francesco Cabriel, el 40, quondam sier Bertuzi, el cavalier, quintuplo.
      Sier Zuan Maria Malipiero, fo provedador a l'armamento, di sier Piero, quatruplo.
      Sier Andrea Morexini, de sier Zustignam, quatruplo.
      Sier Andrea Contarini, fo al formento in Rialto, quondam sier Marco, triplo.