Et presa, ut incantu.
     
      Fu posto, per li savij ai ordeni, cussì come per il colegio si feva eletion di scrivani, cussì de caetero li patroni lhoro facesse la eletion di scrivani, dando perhò le piezarie etc.; et sier Andrea da Molin, savio ai ordeni, volse meter di farli, justa il solito, per colegio. Andò la parte: 44 dil Molin, et 104 dil resto. E fu presa.
     
      [1508 03 15]A dì 15. Fo etiam pregadi. Et leto le infrascripte letere:
     
      Di Udene, dil luogotenente, et dil Corner, provedador zeneral, date pur a Udene, Avisi di sopra; di zente in Friul, non quantità, di todeschi. Item, che quelli di Pordenon si dariano a la Signoria. E quel capitanio todescho à mandà a Goricia per ajuto; e, volendo quel capitanio di Goricia mandarvi uno capitanio di una bandiera di fanti, disse: Non vojo andar a farmi amazar con sì pocho numero di fanti.
     
      Di sier Zacaria Loredan, provedador in [358] Cadore. De occurrentiis etc., e i fanti scampadi di li, et si provedi etc..
     
      Di Cividal di Friul, dil Leze, provedador. De occurrentiis etc.
     
      Di Gradischa, di sier Zustignam Morexini, provedador. Ut supra.
     
      Di Cao d'Istria, di Etor da cha' Tajapiera, podestà et capitanio. Come quelli di Trieste dubita grandemente di la Signoria, e di le galie bastarde venute; fanno repari etc. E avisi di cosse di sopra.
     
      Di Alla, di provedadori, di 13. Come il Griti e il capitanio zeneral sono andati a Roverè, a veder etc. Item, come a dì 12 vene 200 cavali di todeschi fino soto Roverè; e alcuni fanti, erano a li monti più discosti, nostri li salutono con le artilarie, e ne à mazà 3 homeni a cavallo, e ritornò indriedo.