Fu posto, per i savij ai ordeni, che le apellation di Schiati Scopuli, andava in Candia, vadi a Napoli di Romania, cussì volendo li oratori. Fu presa.
     
     
      Electo orator a Roma.
     
      Sier Vicenzo Querini, dotor, fo ambasador al re di romani, quondam sier Hironimo.
      Sier Marco Gradenigo, dotor, fo auditor vechio, quondam sier Anzolo.
      † Sier Zorzi Pixani, dotor, cavalier, savio a terra ferma, quondam sier Zuane.
      Sier Piero Contarini, quondam sier Alvise, da Sam Patriniam.
      Sier Piero Pasqualigo, dotor, cavalier, fo ambasador al re di romani, quondam sier Filippo.
      Sier Lorenzo Bragadim, di sier Francesco.
      Sier Francesco Donado, el cavalier, fo ambasador in Spagna, quondam sier Alvise.
      Sier Domenego Venier, fo auditor vechio, di sier Andrea.
      Sier Cabriel Emo, è ai X savij, quondam sier Zuan, el cavalier.
      Sier Piero Contarini, fo provedador sopra le camere, quondam sier Zuan Ruzier.
      Sier Sabastian Zustignam, el cavalier, fo vicedomino a Ferara, quondam sier Marin.
      Sier Cabriel Moro, el cavalier, fo ambasador a Napoli, quondam sier Antonio.
      Sier Francesco Capello, el cavalier, fo podestà a Ravena, quondam sier Christofolo.
     
      [1508 03 18]A dì 18. Da poi disnar fo pregadi, perchè la matina vene letere de Friul, e danni fati per todeschi; et perhò fo chiamado el consejo per deliberar, utrum si dovesse romper guerra o non. Et fo leto le infrascripte lettere:
     
      Da Brexa, di sier Zuan Paulo Gradenigo, podestà, et sier Alvise Emo, capitanio. Come hanno auto una relatiom di uno, venuto di terra todescha, amico di domino Paris di Lodron; dice il re era andato a Costanza, e atende haver bon numero di sguizari.