Item, di uno castello in Val Chamonicha, chiamato ..., qual era stà lassà senza custodia, horra, hessendo di passo, l'ànno mandato a fornir, e postovi uno contestabele con 8 page dentro. Et altri avisi, ut in litteris.
     
      Di Riva, dil provedador. 0 di lì intorno. Et che 'l butar di la galia e fusta in aqua, in lago, à dà gran reputation; sì che non temeno.
     
      [362] Di Roverè, di sier Zuan Francesco Pixani, podestà, et sier Zuan Diedo, provedador. Come hanno certa relatiom, il re è a Costanza andato. Item, todeschi hanno fato uno bastion in quelle valle, versso Folgaria; et che in Trento è gran caristia, et è restà pochi todeschi lì intorno.
     
      Di Alla, di provedadori. Come erano stati li do capetanij, Triulzi et il nostro, et il Griti, proveditor, con 400 cavali lizieri et 500 fanti, versso la Piera. Et che pocha zente vi sono lì intorno a la Piera, per esser partiti, et, dicitur, sono venuti a la volta di Friul. Concludendo: tra la Piera e Trento non è 5000 todeschi.
     
      Di Primolam, di sier Vicenzo Valier, di ozi. Come, auto l'aviso di Cadore, à provisto, e manda lì do contestabili, Stefano Moneta et ..., con li soi provisionati et 25 balestrieri a cavalo dil conte Bernardim, et fato altre provision. Item, di vicentina 0 se intende.
     
      Di Cividal di Bellum, di sier Alvise Dolfim, podestà et capitanio. Come (ha) aviso, todeschi 8000 sono a Doblacho e Brunich, e si dice vieneno a campo a Butistagno. Et manda una letera auta di sier Francesco Zane, provedador im Butistagno, che li dà aviso di questa adunanza.