Una relation di uno, mandono quelli de Federicis de Valchamonicha, in terra todescha. Come todeschi cegnano, vegnirano per Val Tolina etc., per andar sul stado di Milan. Item, una altra relatiom auta da sier Agustin Valier, provedador, di Ampho, zercha todeschi etc.
     
      Di Cividal di Bellun, dil Dolfim, podestà. Come domino Renier di la Sasseta è andato in Cadore, dove è provisto di zente etc. Scrive provision fate; et nove ha, todeschi esser a Doblaco adunati, e si dice vien a Butistagno, a campo, numero 8000.
     
      Di Butistagno, di sier Francesco Zane, provedador, più letere. Et di le zente è (a) Doblaco; et lui scrive provision fate, brusato certe caxe vicine, acciò non si acampi, et uno molin etc. Item, scrive quel castelan, sier Zuan Michiel è in dissension con lui etc. E nota: per il consejo di X fo scrito a dito sier Zuan Michiel, venisse via; et cussì vien. Et par sia partito, perchè non stevano ben insieme.
     
      Di Friul, dil Corner, provedador, date a Trisesimo, più letere. Di provision fate col signor Bortolo d'Alviano ai passi etc., e li nomina. Item, dil partir dil butin fato in Cadore, à tochà per homo d'arme, di danari, ducati 2 per uno, e a li fanti ducati uno; et esso provedador non à vojuto parte alcuna. Item, scrive li cavali fonno amazati in la bataja numero ..., e li bisogna pagar justa la promessa. Item, à voluto dar li ducati 1000 al signor Bortolo, venitiani; non li à volesti, dicendo li spenderia, e che lui provedador li tegna, vol comprar cavalli; e cussì li ha tenuti.