Ave, senza parlar altro, 72 di la parte, et 94 di no. Et fu preso di no, acciò che li signori fazino il suo oficio, et non che li exatori robano, come fece sier Antonio di Mezo etc.
     
      Fu posto, per sier Francesco Orio, sier Hironimo Capello, et sier Piero Lando, savij a terra ferma, [369] e li savij ai ordeni, che uno barzoto, fatto fuora di qui, e comprato per sier Beneto Dolfim, et fato riconzar, che 'l possi navegar non obstante parte in contrario; e li savij dil consejo fe' lezer la parte, che non si pol. Et sier Piero Antonio Morexini, savio ai ordeni, parlò per la parte; et li rispose sier Lunardo Grimani, savio dil consejo. Et non fo mandà la parte; et veneno zoso a hore 23.
     
      [1508 03 24]A dì 24, fo la vizilia di Nostra Donna. Da poi disnar fo colegio di savij a dar audientia; et la Signoria dete da per sì audientia. E fo letere di Friul; 0 da conto.
     
      Da Roma si ave eri, per letere particular, e poi vene aviso in la Signoria. Come el papa era andato a Hostia, tornerà presto, con alcuni cardinali. Et era posto le guardie a torno la caxa dil cardinal Triulzi da Como, el qual a dì 17 ditto expiroe. Havia intrada ducati ...
     
      Item, di Bergamo si ave, da sier Antonio Zustignam, dotor, podestà, et sier Zuan Corner, capitanio, come, mia 5 di lì, in questi zorni, in uno monasterio di frati di carmeni, chiamato Santa Maria di Bayram, fabricando, haveano trovate certe medaje, per numero 900, di valuta di lire 7, soldi 14 l'una, con letere, qual fo stampade sotto ... Et per la Signoria, la parte a la Signoria aspetante, poi fo concessa a ditto monasterio, per la fabricha di quello.