Ancora fonno expediti quel domino Bernardo di Maximi, et Democrito è cognominato, e Hironimo d'Arcole, veronese, qualli fonno presi a Riva, e mandati per il Griti, provedador, al consejo di X, perchè venivano da le parte de i nimici.
     
      Noto. In questa terra è uno orator di Lucha, [377] nominato domino ..., qual si trata nel consejo di X la soa expositione, pur zercha queste occorentie presenti.
     
     
      Come si trova il monte nuovo in questo tempo.
     
      In Christi nomine amen, 1508, a dì 24 marzo. El debito del monte nuovo de la camera de imprestidi era, fino a dì primo septembrio 1007, lire 236027, soldi 19, danari 5, pizoli 11. Se volse de pro', per dita paga di setembrio 1507, lire 5900, soldi 14. Se ha cresudo, per esser stà vendù per l'oficio di signor provedadori sopra la camera d'imprestidi, a ducati 100 per 100, da dì 3 septembrio 1507 fino a dì 29 fevrer, lire 6414, soldi 11, danari 9, pizoli 2, Et se à scosso, per la tansa prima messa a la camera d'imprestidi al monte nuovo, da dì 10 fevrer fina a dì 19 marzo, lire 7904, soldi 6, grossi 2, che son in summa tuto el debito lire 250346 soldi 17, grossi 5. Se vol de praesenti, per la paga presente de marzo 1508, a do e meza per 100, lire 6258, soldi 13, danari 5, pizoli ...
     
      MATIO DE FAZIO,
      coadjutor al monte novo,
      subscripsi.
     
     
      Dil mexe di april 1508.
     
      [1508 04 01]A dì primo. Introno in colegio cai di 40 novi: sier Sabastiam Malipiero, sier Marco Antonio Erizo et sier ...; savij dil consejo: sier Antonio Trum, procurator, et sier Lunardo Mozenigo; savio a terra ferma: sier Hironimo Querini; et li 5 savij ai ordeni electi.