Come era stato a Gradischa et Monfalcom, visto e provisto.
     
      [1508 04 04]A dì 4 april. Fo pregadi. Et leto le infrascripte lettere videlicet:
     
      Di Cao d'Istria, di sier Etor da cha' Tajapiera, podestà et capitanio. Di successi et nove de lì, et di le cosse di Trieste; nulla da conto.
     
      [383] Di sier Hironimo Contarini, provedador di l'armada. Come era stato, con la galia, vicino a Monfalcon per dubito de incurssion etc.
     
      Di Friul, dil Corner, provedador, date a Trisesimo. Come de lì non è nulla; atendeno a far mostra. Et occorentie di lì intorno.
     
      Di Gradischa, di sier Zustignan Morexini, provedador. Di successi; 0 da conto.
     
      Di Cividal di Friul, di sier Donà da Leze, provedador. 0 perhò da conto.
     
      Di sier Daniel Dandolo, provedador, date in Arse. De successibus: 0 da conto.
     
      Di sier Vicenzo Valier, capitanio di Vicenza, date a Primolan. De occurrentiis.
     
      Di Alla, di provedadori Emo et Griti, di 2. Come hanno inteso, todeschi non esser mossi per venir a campo a Roverè, ma ben atendeno a passar di là dil ponte; dove si voglino andar non sanno. Item, di uno capo todesco è a la Piera, qual vol venir da nui; li provedadori li han promesso ducati 6 per uni), perchè 'l dice vol venir con 300, ma prima vol fazi qualche demostratione, zoè brusar la Piera, o qualche altro danno notabele etc.
     
      Di Riva, di sier Marco Renier, provedador, di 2. Come si divulgava de li, il campo dovia venir a torno quel loco, et esser zonte zente a Archo. Item, esser zonti 2 contestabeli, mandati da li provedadori, con fanti ..., zoè Jacomo Albanese et Alexandro Ravazon da Bologna; e altri successi.