Ivi è il Moro, capetanio dil lago, con la galia e fusta; fanno provision noctu dieque. Nota. In Riva sono li infrascripti capi: contestabile Gnagni dal Borgo, fanti ..., Anzolo Francesco da Santo Anzolo, fanti ... Jacomo Antonio Ronchom, veronese, fanti ..., Fate Inanzi, fanti ... Item, la compagnia di Marco di Rimano, perchè la sua persona è in Roverè. Item, Batagim con balestrieri a cavalo, numero ...
     
      Di missier Zuan Jacomo Triulzi, capetanio zeneral, di Franza, date in Alla, a dì 2. Comenza, perchè alcuni zentilomeni zoveni vano dicendo si doveria far etc., lui dice la militia soa non sa far cussì; et va scrivendo in excusatione. E come è in lochi streti, carestie di ogni cossa, pocho exercito etc.; tamen da lui farà etc., ut in litteris. La qual, potendo, sarà bon averla.
     
      Da Milam, dil secretario. Coloquij col gran maistro; et zercha sguizari, tien il re di romani non ne averà più grisoni.
     
      Fu posto, per li savij, una letera in optima forma a tutti li rectori nostri da terra, mandino in campo in veronese li guastatori, cavalli, strami, vituarie etc., [384] come è richiesti e ordinato, e punissa li desobedienti, con molte clausule etc. Presa.
     
      Fu posto, ut supra, che per tutte le terre si fazino proclama, che cadaum fante o provisionato, sia cui si voglia, che habino tochà li danari nostri, ritornino, in termine di zorni 3, in campo, in pena di esserli irremissibiliter tajà il naso. Presa.
     
      Fu posto, ut supra, che, atento le occorentie presente, sier Antonio Zustignan, el dotor, podestà a Bergamo, vadi orator nostro a Milam, a presso quel gram maistro, con 11 cavali; habi al mese ducati ... per spexe, senza mostrar alcum conto etc.