Et etiam Batagin scrive che si à portà ben.
     
      Di Grignan, di domino Tadio da la Motella, condutier nostro, al Griti, provedador, è a Torri. Avisa di quelle cosse di Val di Ledro; et che todeschi hanno la valle. Item, à mandà 8 homeni d'arme soi, richiesti fino in Riva; et aricorda la so opinion etc.
     
      Di Brexa, di sier Zuan Paulo Gradenigo, podestà, et sier Marco Dandolo, dotor et cavalier, capitanio. Come ànno mandato il conte Alvise Avogaro, condutier nostro, con zente a Ampho verso Val di Ledro. Item, che brexani, inteso queste novità, hanno chiamato il suo consejo, et preso far 1000 provisionati dil suo; et non ave niuna balota di no. Item, elexeno 6 citadini di primi, e li nomina, qualli dovessero star a presso li retori per queste occorentie, com libertà di proveder etc.; sì che si portano bene. Questa letera, da tutti fo laudati brexani di optima fede.
     
      Fu posto, per li savij di colegio, atento la morte di sier Zuan di Prioli, andava soracomito, in locho dil qual andò suo fradelo, sier Francesco, e non voglij più star, che il colegio possi elezer uno sopracommito in loco suo, qual pagi la spesa ai Prioli etc.; et fu presa et sarà. Et cussì fo eleto sier Zuan Mudazo, quondam sier Daniel, qual pagò la spesa.
     
      Item, fo posto certe alivelation fate di beni di chiesie ad alcuni, ut in eis; non da far memoria.
     
      [1508 04 09]A dì 9. Da matina, in colegio, fono expediti 4 capi contestabeli, mandati qui per el signor Bortolo, di Friul, per far fanti 1000, et datoli danari; vanno a farli parte im Apruzo e parte a la Mirandola.