Era di natione ...
     
      [1508 04 11]A dì 11 april. A la marangona vene letere di Friul, dil Corner, provedador, date a Cremons, a dì 10, hore 18. Come haveano scrito, di hore 15, dil prender di la villa e di la terra, per forza; et poi, volendo combater il castello, quelli dentro si reseno, salvo le persone. Et quel castello è bon locho, forte etc. Et fo dito esser stà morto uno a presso esso provedador da una artilaria di li nimici etc.
     
      Di sier Zorzi Emo, provedador, date Alla, a dì 9, hore 24. Come era zonto lì pre' Lucha, orator cesareo, et coloquij abuti insieme, ut in litteris, e vien di longo. El qual alozò con lui, e lo fa acompagnar di qui; e vien con resolution. Item, si dice esser zonto zente a Trento, et altre particularità, ut in eis. Il sumario scriverò di soto.
     
      Di Cadore, di sier Zacaria Loredan, provedador, di 10. Come todeschi, zercha 3000, sono venuti e brusato do ville nostre lì vicine, et menato via animali, amazato homeni et femene etc.
     
      Da poi disnar fo colegio di savij, a consultar di danari etc.
     
      [1508 04 12]A dì 12. La matina fo letere di Udene, di sier Andrea Loredam, luogotenente. Come quelli di Codroipo si avia levà San Marco.
     
      Dil Corner, provedador, date a Mariano. Avisa aver auto 3 lochi, videlicet San Lorenzo et Vigizam e Codroipo; et hanno mandato li trombeta a Belgardo e Pordenon, che si rendeno; si non, veriano etc. Item, scrive dil loco di Cremons, e lo manda in desegno; et esser stà morti di nostri 8, tra i qual 3 caporali da conto, e aver trovato assa' butini; et è stà feriti di nostri ...