Or, leta questa letera, tutto el pregadi se la rise, dicendo de un sì grande exercito 0 si fa, et maxime non havendo contrasto.
     
      Et nota, tutta la terra, e più il colegio e consejo di pregadi, si doleva dil capitanio zeneral nostro, qual non voleva tuor impresa, et diceva non aver le so zente e aver pochi fanti.
     
      Di Roverè, dil Pixani e Diedo. Dil vegnir dil campo, fo atorno Riva, di qua di l'Adese, a Trento. E quelli di Trento non volseno lassarli intrar, e li mandono un raynes per uno; e, come ha per uno explorator, non li volseno, et uno altro dice lo tolseno etc. Item, è restà in Archo 700 fanti. Item, dice di grisoni è disacordi et li agnelini.
     
      Di Milam, di sier Antonio Zustignan, dotor, podestà di Bergamo, et orator, di 12. Come, havendo instato al gran maistro mandi ajuto, tandem, da poi molte excusatione, dicendo li bisogna a lui, manda 900 fanti, videlicet 500 guasconi sono a Lecho et 400 spagnoli; à mandato li danari, et li spazarà subito in veronese. Item, vol il resto di danari si li dia dar per li 2000 fanti etc.
     
      De Franza, di l'orator nostro, di 4, 6 et 7, l'ultime è date a Tona, castelo (?) di barbonese. Avisa dil zonzer lì dil re, qual viem et è a Vogiera, et verà più propinquo a pe' de' monti, et, sì come bisognerà, verà a Milam. Item, che missier Zuan Jacomo Triulzi li à scrito, lui con li soi esser stà quello à varentato il monte di Brentonega, quando todeschi vi vene; adeo il re l'à laudato, et scritoli optime [398] letere. E nota, non fu vero che dito missier Zuan Jacomo facesse 0, nè pur li soi.