Li à risposo, non voler far 0, ma, secondo come si porterà, la Signoria li userà gratitudine; et dil mandar lì suo zenero, sier Zuan Foscarini, a dì 21. Et che 'l signor Bortolo voleva le artilarie trovate in la rocha di Goricia, ch'è per valuta di ducati ..., dicendo: Sarà per mità con vuj, magnifico provedador. Li à risposto, non voler altro cha l'honor e do bandiere, ave a la vitoria di Cadore, et che le sarà di la Signoria. E li à dato, justa li mandati, li 6 cavali dil signor Constantin, erano in Belgrado. Etiam à comprato 6 pezi di cavali, fo dil signor Carlo Malatesta, per ducati 1050; e lui provedador è stà suo piezo. Item, il governador predito voria andar a Lubiana e Fiume e poi Trieste, che non saria dificultà; sì che aspeta mandato. Item, à posto in Cremons provedador sier Donado da Leze, era provedador a Cividal, et in el castello postovi fanti a custodia; et a Goricia sier Zustignan Morexini, era provedador in Gradischa, et in la rocha suo fiol, sier Francesco; e prega sia fato in suo locho, per aver lassato il suo primogenito, ch'è più caro l'habia. Item, che sier Andrea Loredan, luogotenente di Udene, vene lì, avanti si rendesse la rocha, con persone, ut dicitur, X milia, et fece soprastar. Et, poi resa, andono insieme in la rocha, e lo lauda etc. Era in Goricia, tra la rocha e la terra, fanti 1200. Item, coloquij auti con domino Andrea Letisten, capitanio, era in la rocha. Il provedador disse, questa guerra la majestà cesarea era stà causa, justificando la Signoria; lui disse: Mi ho reso, perchè non mi poteva tenir, non havia polvere.