Et è andato a trovar esso re; el qual, per relation, va di sopra a la caza, et non se cura. Item, aver dato ducati 600 al dito domino Andrea, per [411] robe lassate in la rocha, zoè vituarie, ut patet. E altre particularità, ut in litteris, le qual da numero ... fin 23 fo lete.
     
      Di sier Bortolo do letere. De occurrentiis, et l'opinion sua; e vol seguir l'impresa, con molte particularità.
     
      Di sier Andrea Loredam, luogotenente di la Patria. Di esser andato a Goricia con persone X milia, acciò, si fusse venuto soccorsso, si havesse potuto far facende. Lauda il provedador Corner, et scrive quello à fato etc.
     
      Di sier Hironimo Contarini, provedador di l'armada, e di sier Etor da cha' Tajapiera, podestà et capitanio di Cao d'Istria, unidi, et poi il provedador seperado. Avisi di Trieste, et quello fanno; et si bombarda. Al qual effecto è rimaso sier Marco Loredan, capitanio di le galie bastarde, con li basilischi. Et altre cosse, come ho scripto di sopra.
     
      Di sier Vicenzo Valier, capitanio di Vicenza et provedador, date in Arsea. 0 da conto; zercha quelle occorentie, voria fanti etc.
     
      Di Alla, di provedadori Emo et Griti, più letere, l'ultime di 23, il sumario di le qual ho scripto seperadamente. Videlicet di l'andar a Brentonega e Mori, e quello achadete; et poi di l'andar verso el Caliam, e il brusar di quello, e quanto seguì. Et molte soe occorentie; et aver dato la paga a li fanti sono stati, numero 8000 et più, in quelli lochi. Et di la comunication fece missier Zuan Jacomo, con la vesta su la camisa, a hore 4 di note, con essi provedadori, di letere aute da Milan, non si andasse a far novità, per opinion soa, ma si atendesse a tenir i passi etc.; et la revocation prima di le zente, mandono verso Riva, per tuor impresa.