Solicita sia fato in loco di Francesco, che l'ò messo in castello di Goricia. Ho messo el vostro Lodovico Contarini in uno castello, chiamato Vipao, beletissimo et di qualche importantia; et questo ho fato solo per render ben per mal. El qual castello si è lontano di Goricia mia 20, versso Lubiana. Io mi sento pur uno poco meglio.
     
     
      Letera di Pordenon, di sier Zuan Foscarini, capitanio, di 25 april, al dito sier Jacomo Corner.
     
      Cugnado carissimo.
      Di questo loco non ze 0 di novo. Io son ben visto, e mi forzo acharezar ogniuno e honorar segondo vol el dover, nè son per manchar in tutte quelle cose potrò. Ozi è il zorno di San Marco; qui è una bella chiesia, la qual si dimanda la chiesia di San Marco, dove che in tal zorno si fa una bella festa, e se tira el stendardo in antena molto solenemente, zoè se tirava quello di la majestà cesarea, lo qual era acompagnado da homeni 200 dil paese; io ò fato tirar quello del glorioso San Marco, son stado acompagnado da homeni 300 ben armadi e ben in hordine. Se hanno fato gran fochi eri sera in questa terra, sì per la festa di ozi, como etiam per la vitoria di Goricia, tirando assai artilarie per la terra, perchè questi citadini tuti hanno artelarie in casa sua. Ozi se fa una bella festa di balar e altri apiazeri, sì che di qui si sta in feste. Jo son in spada e capello, si havesse a star qualche dì di qui, mi vestiria etc. Desidero aver il titolo, facendosi in loco mio; e quando fui in Cadore ebi il titolo, che mi fu grato assai.
     
     
      Letera di sier Zorzi Corner, el cavalier,