Nel qual castello di Goricia è page ... soto contestabeli ...
     
     
      Letera di sier Zorzi Corner, a sier Jacomo suo fiol, data in galia, a dì 5 mazo.
     
      Si atende a la expedition di la terra, nè si resta di bombardar e da mar o da terra continuamente: [445] se à ruinado do torre et la 3.a mancha pocho. Quelli dentro stanno molto duri et obstinati. Ozi è stà butà uno brazo a sier Andrea di Vivian, che era patron di uno arsil bastardo, e morto il suo comito. Non si mancherà di solicitar, pur che non manchi polvere e balote, si lavora con molti pezi di artelaria e si consuma una extremità di polvere. El campo nostro hora è ben in hordine di fantarie. In questa horra è zonto Francesco di Gorizia; missier Zustignan, è intrato in la rocha, à lavorato e fato molte bone opere in dita rocha; Lodovico Contarini si porta ben, sta a Vipao; à ducati 15 al mexe. Desidero ultimar questa impresa, son stracho e roto etc.
     
     
      Letera di sier Francesco Corner, di sier Zorzi, el cavalier, a sier Jacomo, suo fradelo, data in galia, a dì 6 mazo 1508, horre 3 di note.
     
      Frater carissime.
      Per Zentil, a bocha, harai inteso quanto per el proveditor fo scrito a la Signoria nostra, zoè che a le 23 horre i nostri fanti, apresentati a le mure, dubitando, cridono: Marcho! Marcho!; et tuto el campo se messe in arme, et andò a la volta dove se haveva bombardà. Et veduto questo, triestini, che volevano patizar, comenzono a defenderssi gajardamente, con sassi et artelarie; tandem, reforzando i nostri, chiamono se li volesse parlar, et butono la bandiera sua a basso.