Io ho diliberato, asetate queste cosse, ritornar, per lassarte venir a solazo e darai cambio a le fatiche. Se ha ritrovato alcuni zudei qui in la terra, i qualli sono stà retenuti per il signor Bortolo a descrition sua, et etiam Zuan Marco da Roma; quello sarà non lo intendo. El proveditor sta bene, zoè meglio di quello stava, et credo marti, a dì 9, se leverà con [447] il campo e andarà versso Guritia, et Vicenzo da Riva resterà in castello, e suo fradello su la galia, et missier Marco Loredan in la terra, et Francesco Contarini per vice capetanio, el qual si à fato honor con el suo basilisco, e il proveditor l'à molto laudato a la Signoria nostra.
     
     
      Sumario di quante volte la Signoria nostra è stata contra triestini, et l'anno subjecta e dominà.
     
      1202. A dì 27 octubrio, andando cum potentissima armada el serenissimo missier Henrico Dandolo, doxe de Venecia, per recuperar Terra Sancta, licet andasse a l'aquisto de Constantinopoli, triestini, essendo quello zonto a Piram, li mandono 34 ambassadori, havendo lhoro persso la gratia con la Signoria, domandono perdom et sottomesseno la terra ad obedientia de la Signoria, et zurò perpetua fidelità, tutti quelli di la terra, ad esso serenissimo principe et successori, et promesseno ogni anno pagar 50 orne de optimo vin del so territorio ne la festa de San Martim, et condurlo fino a palazo de Veniexia.
     
      1233. A dì 8 exeunte mense augusti, triestini zurono fidelità de obedir a tutti i comandamenti, che facesse far la Signoria in Trieste, sì cerca legnami, come sal etc.; et che tuti i podestà, sarano per i tempi, zurerano servar a la Signoria fede, ogni anno, ne la sua intrada, o ver soi altri rectori che sarano etc.