Et cusś, per la caza li devemo, havendo concluso, deliberono ussir fora; et la porta era serata, et do passa di leame, tanto quanto era la porta erta, era dentro la porta, che non se potea cusś presto aprir. Et non possendo ś presto, cum un pal de ferro fo facto un buso a una bombardiera a presso la porta, tanto quanto pol intrar un homo, missier Marco et Jo intrassemo dentro, ussito prima fora el capetanio di alguni todeschi era dentro; et trovassemo tutti pianzer et basarsi l'un con l'altro, tolendo combiato, et le femene, che non è niun che non se contaminasse. Jo andi subito suso, che ge era di bella roba, non vulssi tochar un bagatin per la fede li era stà promessa. Ma, ussendo, fora li dicti per quel buxo, cusś come ussivano, erano afferati da' spagnoli et guasconi, et menati via, et tolto quel haveano, excepto quel Calapin, che se atacḥ a la manega al brazo di missier Marco, con el signor di Agresta, et alguni altri, che andono zoso con missier Marco a pe' fino a Mori. Et el signor li fo tolto per forza, et non sa dove el menaseno, ben che ho inteso che 'l fo menato da poi zoxo. et insieme con el ditto Calapin andono a la volta di Trento. Li spagnoli, inanzi che tutti ussiseno fora, introno, chi per quel buso, chi rampegandosse per le mure, et svalisono [453] tuta la terra, portando fora, et butando zoxo per le mure, el bon et mior. Et il magnifico missier Zorzi Emo, era intrato dentro per far non fosse tochato dicte robe, et fo a pericolo de esser amazato, che i son zente bestial et non stimano niun, et portano via fino i calexi.