Manda l'inventario di le artilarie, ch'è poche; dice il collega è andato a Alla, et ha ordinato el scriva a la Signoria; et che quel zorno à parlato a missier Zuan Jacomo, insieme col capetanio, zercha tuor altra impresa, zoè andar (a) Archo, il qual dice doman si consulteria etc. Le qual letere, per esser mal acepte al pregadi, fo fato gran rumor. Scrive etiam che hanno sottoscripto a li capitoli etc.
     
      Fu posto, d'acordo, per i consieri, cai di 40 e tutti i savij, excepto sier Antonio Trun, che 0 volse meter, di elezer de praesenti uno provedador a Trieste, per uno anno, con ducati 60 neti al mexe, con 6 famegij, per spexe, rispondi de praesenti et parti fin zorni 3. Item, si elezi uno castelan, con ducati 30 al mexe, per uno anno, stagi serado et parti ut supra. Ave ... di no. Et fo fato scurtinio, tolti 46, et rimase sier Francesco Capello, el cavalier, el qual fo mandato per lui a caxa, non era di pregadi, e aceptò libentissime, dicendo partiria il zorno sequente. Rimase da sier Alvise Contarini, fo podestà e capitanio a Rimano, di 13 balote. Item, castelam, fato eletione, niun non passò, manchò una balota a sier Alvise Zane, el 40 criminal, quondam sier Thomà. Et li scurtinij sarano qui sotto posti, videlicet:
     
      Electo provedador a Trieste, justa la parte presa.
     
      Sier Agustim Malipiero, è di pregadi, quondam sier Alvise.
      Sier Lorenzo Miani, el provedador sora la chamera d'imprestidi, quondam sier Jacomo.
      Sier Alvixe Marcello, el grando, quondam sier Beneto.
      Sier Alvixe di Prioli, fo capitanio de le galie di Fiandra, quondam sier Zuane.