Come quelli sanzachi turchi hanno hauto il comandamento, tuti vadino con le zente ordinate a la Porta, per passar contra Sophì, qual è potente a li confini dil signor turco.
     
      Di sier Alvixe Pizamano, capitanio di le galie di Barbaria, date a Valenza, a dì 30 marzo. Come si dovea partir per repatriar. Et che havia inteso, che im porto de la Cantara era una nave di Piero Navaro, havia scrito a quelli zurati di questo etc. E altre particularità, ut in litteris.
     
      Di Londra, di sier Lorenzo Pasqualigo, quondam sier Filippo, è merchadante, drizata a sier Antonio Condolmer, in Franza, data a dì ... april. Avisa esser lì 1200 baloni di lana et 12 milia peze di carisce, et altri panni, ut in litteris; adeo, cargate le galie, resterà di lì cargo di una galia.
     
      Et leto altre letere non da conto, per esser l'hora tarda fo licentiato il pregadi, per consultar di risponder a Trento e in Franza.
     
      [1508 05 14]A dì 14, domenega. Da matina, hessendo bon tempo, il doxe andò con le cerimonie a San Zuminian. Portò la spada sier Nicolò da cha' da Pexaro, va podestà et capitanio a Crema; suo compagno sier Alvixe Emo, venuto capitanio di Brexa. et non vi fu [469] el zudexe di propio. Fo li oratori, Franza, Spagna, Milan, Ferara.
     
      Vene letere di sier Zorzi Corner, el cavalier, provedador, date, a Monfalcom. Come veniva a Goricia con le zente e il signor Bortolo; e havia inteso, in Lubiana era adunation di zente. Item, havia ricevuto letere nostre zercha tuor l'impresa di Pexin et Fiume; et altre particularità, come dirò di soto.