Andò le parte: 20 dil Bolani e compagni, 140 dil serenissimo; et questa fu presa. Et rimaseno sier Zacaria Contarini, cavalier, et sier Francesco Foscari, cavalier. Il Contarini aceptò subito, il Foscari andò in renga, era cao di X, et si scusò, dicendo esser mal sanno et non poter cavalchar e convegnir andar a li bagni in veronese, et convien andar per la egritudine di ... che ha, et a questo bastava sollo sier Zacaria Contarini, laudandolo etc.; et che lui havia il scudo in brazo dil consejo di X a refudar. Or fo messo, per tutto il colegio e il serenissimo, atento tal excusatione fata, che sier Zacaria Contarini preditto vadi lui sollo. Ave 48 di no, il resto di sì; et fu presa, partirà immediate.
     
      [472] Balotadi li rectori sono et che vano; di qual rimangi do, juxta la parte, vadino a Trento.
     
      Sier Bortholamio Minio, podestà di Padoa.
      Sier Piero Balbi, capetanio di Padoa.
      Refudò † Sier Francesco Foscari, el cavalier, eleto podestà di Padoa.
      Sier Francesco di Garzoni, podestà di Verona.
      Sier Francesco Bragadim, capetanio di Verona.
      Sier Domenego Contarini, eleto capetanio a Verona.
      Sier Zuan Paulo Gradenigo, podestà di Brexa.
      Sier Marco Dandolo, dotor, cavalier, capetanio di Brexa.
      Sier Antonio Zustignan, dotor, podestà di Bergamo.
      Sier Zuam Corner, capetanio di Bergamo.
      Sier Polo Antonio Miani, podestà di Cremona.
      Sier Polo Capelo, el cavalier, capetanio di Cremona.
      Sier Alvixe da Mula, electo podestà di Cremona.
      Sier Zacaria Contarini, el cavalier, eleto capetanio di Cremona.
     
      Fu posto, per il serenissimo e tutti di colegio, scriver a Roma, a l'orator, per uno fiol di sier Andrea Malipiero, quondam sier Marco, che debbi comparer davanti il papa, et pregar voi dar l'abatia di Bosco, vacata per la morte di domino Marco Contarini, di sier Hironimo, morto; et fo scrito parole con grande efficatia sopra ziò. Et fu presa.